籌備婚禮不可缺少既--傳統婚禮習俗與禁忌

（圖片出處）

籌備緊婚禮既JM們，多數都係心情緊張複雜架喇!因為白鯨都係囉!
雖然現代好多家庭都按新式既婚禮習俗來進行，夠簡化啊嘛!不過就算現代婚禮習俗點簡化，都係由傳統婚禮習俗演變而來嘅，而且部份新人既爸爸媽媽都希望可以按照傳統婚禮習俗去進行，畢竟有著一個好意頭...
白鯨係籌備婚禮過程中，發現自己會時常忘記傳統婚禮習俗與禁忌既野，so，白鯨覺得有必要將傳統婚禮習俗與禁忌mark落來，甘就唔會彷徨忘記喇!
當然，好野一定要同一直以來都甘支持白鯨既各位JM分享喇!


☆過大禮
過大禮既婚禮習俗中準備禮物都要以雙數為最佳，美其好事成雙。當中有兩對椰子，因為椰子是福樹亦取諧音有「爺」有「子」既意思。聘禮由五個中式禮盒盛載，另附加一個喜帖既禮盒。而女家收到男家聘禮後，需要回禮當中則有蓮藕、柏葉、柚葉和石榴.
送大禮的禮品包括：
禮餅：龍鳳禮餅兩對，男女雙方各一對..
椰子：一對，取諧音有「爺」有「子」的意思
茶葉
檳榔兩對
三牧：雞或鵝兩對，兩雌兩雄，魚一對
海味：四式海味，高級的可選用鮑魚、海參、魚翅、魚肚、瑤柱等，但必須有髮菜
禮盒：禮盒有禮金，其他放入蓮子、百合、紅豆、綠豆、利是等
其他就是煙、酒、水果。及龍鳳燭及對聯兩對
女家回禮物品包括：
男家聘禮的一半（必須成雙）
茶葉
蓮藕、芋頭、石榴各一對
毛巾
給女婿的西裝或衣料，皮帶、銀包（內置利是）、鞋一對及衭兩對
雖然，過大禮係保留落來最全部既結婚習俗，但當中都有很多省略左。很大部分既聘禮同回禮也用利是代替


☆安床
擇好吉日後由好命佬搬新床到新房，由好命婆鋪床，並在喜床上撒上各式喜果（如紅棗、桂圓、荔枝、紅綠豆及利是
安床後不可讓任何人觸碰新床，直到新人結婚進房。新人入新房後，由小孩在床上食喜果，取其百子千孫的好意頭


☆嫁妝
女家為新娘準備四季衣裳、龍鳳被、鴛鴦枕、龍鳳碗筷（筷子以紅繩縛著）等
仲有子孫桶（馬桶/痰罐內放用紅線串有金錢和利是）
哩個婚禮習俗既重點在衣和食，以表達父母祝願女兒日後能夠衣食豐足
而嫁妝由女家係收到大禮後，最遲係結婚前一天送到男家


☆上頭
上頭係傳統婚禮習俗中好重要既儀式，係結婚既好日子前擇良辰吉日進行上頭儀式，由好命既親友係男女雙方在各自家中進行
新人在頭前用柚葉沐浴並穿上全新的睡衣和內衣
男家上頭所需物品：
鏡、紅頭繩、尖梳、子孫尺及一對龍鳳燭
女家上頭所需物品：
木梳、比梳、剪刀、針線包及紅絲巾
在靠窗的桌子上，點起龍鳳燭，清香一炷，蓮子、紅棗和湯丸（每碗六個或九個），另備有生果、燒肉及雞，誠心向天參拜
由好命新友邊替新人梳頭邊講：
一梳梳到尾
二梳梳到白髮齊眉
三梳梳到兒孫滿地
四梳梳到四條銀筍盡標齊然後就把偏柏和紅繩搏在新人的頭髮上


☆迎親‧出門
結婚當日有交拜天地，再拜祖先，奉茶給父母既婚禮習俗。新娘出門時由大妗姐一邊行一邊撒米
唔可以比新娘兄弟陪伴新娘過門


☆三朝回門
婚後第三天，一對新人回娘家祭祖
男家回門禮品：
燒豬一隻，洋酒兩瓶，西餅兩盒，生果
女家回禮物品：
燒豬頭、尾及豬手各一，豬半邊於在燒豬盆上，洋酒一瓶，西餅，生果，公雞，母雞，雞仔數隻，竹蔗兩枝，連根生菜
現今都有新人將回門哩個傳統婚禮習俗簡化；為左時間上既方便，亦都有新人會選擇係結婚當天即日回門


————————————————————————————————————————
☆甘傳統婚禮習俗禁忌都有邊d呢?

1.傳統婚禮習俗度，鮮花易於枯萎，所不適合用於婚事。而連招花和石榴常應用於婚禮上是因為前者的紅色花瓣開自葉心，其狀可以意喻閏女出嫁，誠等丈夫，後者則意諭多子多孫
2. 新娘衣服忌有口袋，以免帶走娘家財運
3. 婚禮習俗有言，安床後到新婚前夜，準新郎忌一個人獨睡新床，要找個未成年的男童，和新郎同睡在新床上。否則俗謂〝困空鋪，不死尪，亦死某″認為是凶兆
4. 結婚當天，新娘出門時，姑嫂均要迴避，不能相送。因為婚禮習俗中 "姑" 跟 "孤" 同音，而 "嫂" 跟 "掃" 同音，都被認為不吉利
5. 結婚之日，新娘離開娘家時，大家哭得越快越好，〝哭發哭發，不哭不發″ 不哭的話反而是禁忌
婚後三日，新人回門，須在當天日落前趕回夫家，否則不能留宿。萬一有特殊原因無法回家，夫妻也要分開睡，因婚禮習俗度說明，以免新娘子蜜月裡的血光，衝撞了娘家人使娘家倒霉

嘿嘿~各位睇清楚未哩？一場婚禮就喺響咁嘅注意下邊完美咁搞掂架~全部mark底，媽咪唔使再鵝我地啦啦啦~~~

推薦延伸閱讀▶▶▶

[必看] 婚禮前要搞掂嘅事：搵啱妳嘅MUA新娘造型師

≡≡≡≡≡≡≡≡≡≡≡≡≡≡≡≡≡≡≡≡≡

奢華の台灣旅遊婚紗▶▶Lizen157 旅人行館

台灣頂級私藏秘境▶▶旅遊達人私房秘境 

台灣至Hot婚紗景點分享▶▶masaLiLi

wedding溫馨小tips ~wedding當日注意事項大分享!!!

Wedding當天，最忙既不過于新人朋友喇.
but，白鯨都有睇過JMS因為各種原因，會唔小心忽略左賓客，導致最後父母同自己嘈架，搞到唔開心收場
而wedding當天賓客都係貴賓，要做到唔可以怠慢賓客，應該係邊d問題上需要注意呢?
係度籌備緊wedding既白鯨聽到呢d消息都大嚇一跳，如果係白鯨既wedding當日出現呢d狀況，應該點應對?
齊齊來睇下白鯨收集到既資訊喇!

喜帖大變身
作為新一代既我地，喜帖可以來個大變身，可嘗試附上wedding酒店地圖、路線、問路電話，甚至可以寫明wedding流程同賓客早做準備既遊戲環節，越詳細越貼心!（甘樣既能讓賓客感覺sweet同親切外，仲feel到你有幾細緻周到籌備wedding）
溫馨小tips：
①賓客姓名應該寫全名（唔要綽號or別名）
②若要同時宴請2人，名字中間應該寫上“暨”或“和”，唔好用頓號或逗號
③舉行wedding既具體日期
④wedding舉行既詳細地點
⑤可嘗試係喜帖末尾簡要注明wedding既一d要求（例如著裝要求、參與遊戲要求等）


幫參加wedding賓客安排好出行路線
①交通是否便利呢個係挑選wedding會場時候就需要注意喇!如果係郊區舉行wedding，需提前商量好是否安排大巴接送
②可提前同wedding會場確定是否可以提供代客泊車服務，甘樣可以令自駕參加wedding既賓客節省不少時間
③小細節需要注意：簽到區太遠、wedding現場路線過於曲折、洗手間位置太隱蔽等都會造成wedding賓客困擾。可適當整一d創意路引，方便賓客之餘亦可以為自己wedding增添特色


合理設計簽到區
要防止參加wedding賓客一涌而來，導致簽到區擁擠。如果地方允許，可安排2張長形簽到桌，2個簽到本同4個簽到人員以上喇，如若準備大型簽到板就更加省心了
溫馨小tips：
①簽到冊放係簽到桌上，100人內既wedding準備1本基本就夠了，100以上既wedding，預備2本
②簽到冊係wedding最重要既紀念品之一，簽到人員一定要提示每位賓客簽名留念
③多準備幾支簽到筆（亦可係簽到筆上做d特別裝飾，增添wedding特色啊嘛）


準備“空心紅包”
空紅包既準備係為左臨時需要包禮金既賓客，而wedding人員要做到當賓客面不拆紅包，不點禮金，更加要確保wedding賓客紅包完整
溫馨小tips：
①空紅包擺放簽到桌上，可根據賓客數量，準備10/1既紅包數量
②簽到桌上收取紅包既人數至少要2個以上（一個記錄賓客名單，一個保管好紅包），而人員方面則最好安排親人


提前安排好wedding賓客座位
係宴請wedding賓客時，就應該安排好賓客座位，盡可能按賓客既交際圈子分配座位，避免wedding出現冷場尷尬
溫馨小tips：
①wedding主桌必須係最前端，面對舞臺
②桌位、座位具體離主桌越近則代表客人與主人關係越緊密
③wedding中，新人雙方父母及親戚應分開安排係座位兩則，且距離舞臺需靠前
④可將長輩、兄弟姐妹安排同桌或鄰桌
⑤公司領導及同事應坐同一桌，如若領導較多，可單獨分開一桌


引領wedding賓客到合適位置
安排好wedding賓客位置後，係wedding當日提前同領位人員確定座位方向，待賓客到來時，能正確引導到wedding現場
呢個步驟一定要做好，一個位置亂左，接落來既都有可能出現問題喇，特別係重要賓客，更加要確保到正確wedding位置


特別來賓特別照顧
①老人同小朋友：wedding中老人同小朋友需要特別照顧，避免其破壞wedding氣氛②照顧有飲食禁忌既賓客：wedding宴請既賓客一定要提前確認，是否有人員係飲食上有特別禁忌，可安排至特別桌上


射燈擺放位置
室內wedding經常會用到追光燈同電腦燈，呢d設備擺放既位置亦都非常重要，係設計燈光效果既同時，需要注意避開賓客面部，唔好直射眼睛，令賓客處於舒適既wedding環境。


wedding結束後道謝賓客
①若wedding人數太多，新人可分頭進行，男女雙方各自答謝自己既親人朋友。
②wedding後，撰寫感謝信，感謝每位抽空參加wedding既賓客并感謝距地送禮物。
呼呼!!原來wedding當日宴請賓客，都有甘多地方需要注意，嘖嘖，JMS一定唔可以被嚇親丫!
等左甘耐既wedding，一定要落力做到最好，樣樣都要係個plan入邊，按計劃行事，有個難忘既wedding丫嘛!


哇哇哇~係咪超齊全哩？啦啦林睇熟曬喇~wedding當日終於唔使亂曬陣腳喇~~~千其唔好多謝白鯨啵~哈哈哈···





推薦延伸閱讀▶▶▶


[婚禮] 完美婚禮籌備之big day教程

≡≡≡≡≡≡≡≡≡≡≡≡≡≡≡≡≡≡≡≡≡

奢華の台灣旅遊婚紗▶▶Lizen157 旅人行館

台灣頂級私藏秘境▶▶旅遊達人私房秘境 

台灣至Hot婚紗景點分享▶▶masaLiLi

仲為訂婚事宜頭痕?等白鯨幫你整理喇!!!

（圖片出處）

訂婚又稱為"文定之喜"，不過係宜家既法律上，係沒效力架!!雖然係甘，依然有好多JM都會選擇先舉行一個訂婚儀式再結婚。皆因訂婚意義甚大，唔止係結婚前奏，亦可以令雙方既家人，有個初步既認識..
不過啱開始籌備訂婚事項既時候，經常會暈坨坨，因為大家都對成個訂婚習俗同埋流程都唔熟悉~
但宜家只要各位JM認真上網search，就會有好多好實用既資訊喇~~當然白鯨身邊都有唔少"幫手"會提供info!
而白鯨發現既眾多blog文中，好似關於訂婚既，都未有收集過info窩!
so，為左比將要結婚既自己同埋眾多都係度籌備緊訂婚相關事宜JM一個準備，白鯨決定將自己search到既info整理出來，先要同大家share既係「訂婚男女雙方需要準備既禮品」同埋「現代訂婚既禮品」.


訂婚儀式中男方應準備之禮品……

♡ 男方應備禮品，意謂【聘禮】

男方既聘禮，不但可代表報答女方家長辛苦撫養即將過門既新娘，而且亦代表左男家既面子。一般聘禮有簡單既六件禮或講究既十二件禮，另外仲有聘金，酒席禮及媒人禮都要準備。而其中的聘金及酒席禮，最好在之前預先跟女方家長商量好。

♡ 簡單六件禮：

1. 大餅：即漢餅，嫁女兒吃大餅，往往以斤論餅，數量愈大愈體面。
2. 盒仔餅：即禮餅，大多以西餅為主，搭配各式小甜點成一盒。
3. 米香餅：俗語說「吃米香、嫁好尪」。吃左米香餅，可以尋得一位好夫婿。
4. 禮香、禮燭、禮炮：禮香用無骨透腳青，禮燭用成對的龍鳳喜燭，禮炮用大鞭炮和大火炮，一般喜餅公司有整套供新人選購。
5. 米、糖仔路(萬字糖、八角糖)、福圓(龍眼乾)：米和糖供女方作湯圓之用，取團圓、美滿之意~
福圓則代表新郎既眼睛，女方唔可以收，只可以偷兩粒比新娘吃，表示從此看住新郎既眼睛，令他婚後唔可以再睇其他女仔，除此之外亦有圓滿、多子多孫興旺之意。
6. 聘金、金器首飾、女方布料或衣服：聘金一般可分為「大聘」、「小聘」。
「大聘」通常用來顯示男方既面子，而「小聘」則為實際的聘金，用紅包袋裝好，唔可以露出數字，女方通常收小聘退大聘。
金飾多由婆婆打點，包括項鍊、手鐲(鍊)、耳環等，當作比新抱既見面禮，婚禮當日將距地全部戴上，以示尊重之意。至於金器首飾要準備多少，視男方經濟能力而定。
女方衣物(俗稱頭尾)以討喜紅色為主，亦都可衣料代替，甚至包括皮包、皮鞋等，都可為新娘從頭到腳打扮一番。
P.S送聘金(小聘)時要留意，聘金金額唔可以係奇數，一定要雙數結尾，且用紅紙包裝妥當。

♡ 講究12件禮： (除左上述6件禮外，再加以下禮品)

7. 四色糖(冬瓜糖、巧克力糖、冰糖、桔糖)：象徵新人恩愛甜蜜、白頭偕老。
8. 豬(全豬、半豬或豬腿)：現代人一切講求簡單，以豬腿聊表心意即可，象徵男方唔會虧待女方家人，女方將此禮分切饋贈給來參加儀式既女方親友。
9. 麵線：象徵「千里姻緣一線牽」，祝福新人福澤綿長、婚姻幸福、延年益壽。
10. 酒：可表示全年平安順遂，亦為左敬女方祖先及舅父兄弟。冬天用紹興酒、夏天用啤酒。
11. 閹雞、鴨母：表示婚姻永固、祥和美滿。
12. 其他：如禮品、罐頭、喜花.....等。
P.S：一般辦盤可向餅店租借。至於聘禮既多少應依個人預算安排，都可託媒人代為向女方家長請教，獲得兩全其美既結論。


訂婚儀式中女方應準備之禮品…

♡ 女方應備禮品，意謂【回禮】 

女方除左應退回男方部分禮品外，仲需準備回禮，放入辦盤中由男方帶回~

♡ 應退回之禮品：

1. 聘金：若不收聘金則退回，或只收小聘。
2. 禮香、禮炮、禮燭：各一份。
3. 禮餅：回贈數盒（以雙數為佳）。
4. 福圓：取兩顆其餘退回。
5. 豬腳、麵線、酒：收一半，另一半退回。
6. 米：米收下，米袋中置一紅包。
7. 閹雞：退回一半。
♡ 回禮應備禮品及準備事項：
1. 禮品若干。
2. 預備甜湯。
3. 甜湯圓、點心。
4. 酒席。
5. 贈與新郎的六件或十二件禮(如手錶、對筆、衣帽、鞋襪、皮帶、領夾、袖扣等。)
6. 媒人禮若干(包括紅包)。
7. 木炭：象徵新人的愛情彌堅、愈燒愈旺。
8. 麥或穀：象徵女方出嫁後能夠衣食無虞


好啦~係咪清楚曬哩？終於唔使為咗訂婚事宜頭痕曬喇！！！拉拉聲唔該曬白鯨喇~~哈哈哈

推薦延伸閱讀▶▶▶▶▶▶

[婚禮]哇~結婚程序唔可唔知既--「傳統」與「現代」結婚程序對照表

≡≡≡≡≡≡≡≡≡≡≡≡≡≡≡≡≡≡≡≡≡

奢華の台灣旅遊婚紗▶▶Lizen157 旅人行館

台灣頂級私藏秘境▶▶旅遊達人私房秘境 

台灣至Hot婚紗景點分享▶▶masaLiLi