[婚紗] ★海外影婚紗★台灣、日本、韓國、大陸影婚紗相大分析！！

呼呼~最近見到有好多sis都唸住去海外影靚靚婚紗相~譬如台灣啦、大陸啦、仲有日本同埋韓國添~(⊙o⊙)
其實白鯨自己都唸住去台灣影婚紗相~而且一直都有關注緊去海外影婚紗嘅一啲情況，仲做咗下功課瞭解咗一啲關於海外影婚紗相嘅資料~秉著無私嘅精神~宜家就整理出黎分享卑大家參考啦啦啦~~O(∩_∩)O~

(嘿~估下呢度系邊個國家影嘅婚紗相？文章尾有解答！)

海外影婚紗各地區狀況整理

海外影婚紗價格分析

無論去邊度影婚紗，最關注嘅都系價錢問題~（明明就系白鯨你自己最關心XD~）哇咔咔~貼心嘅白鯨已經幫大家搵到到海外各個地方影婚紗相嘅大概價位喇啦~~↖(^ω^)↗

(以下價錢都不含機票、酒店住宿喔!!)

台灣
白鯨摯愛嘅台灣，一般婚紗價格都系系NT 30000~40000之間系最常見嘅，低一點NT 20000以下嘅都有，通常系比較细間嘅婚紗店或唔做相本只卑相嘅工作室，而大多比較出名嘅婚紗店，價格都系NT 50000以上；如果要搵頂級嘅婚紗店，好似sophia ritz、旅人行館、LinLi等等呢啲婚纱店嘅價位就會系NT 60000以上.

大陸
大陸呢邊嘅價錢其實都幾亂~而且各個婚紗店嘅價位都唔多一樣~一般婚紗價格大概都係RMB 4500~6000左右，而稍微出名小小嘅婚紗店價格都係RMB 6000以上；假如想要服務超正嘅，通常都係要大出血，冇成皮(RMB 10000)都落唔黎~而且大陸呢邊包套內容同價格都非常唔透明，白鯨系唔多中意嘅~容易出現令糾紛問題~~~ -_-|||

韓國
近黎咁興日韓婚紗風，韓國影婚紗相一般studio大概150~200萬韓元(約15000HKD)，高級一啲嘅就大概300萬韓元(約21000HKD)，以棚拍為主，好少外景，照片上面睇到嘅外景通常都只系studio自己架嘅空中花園。一般去韓國影婚紗相唔熟韓文嘅話，都係通過香港呢邊嘅agent代理訂嘅~價格通常大概系HKD20000左右~大部份香港agent訂嘅package都係有包住宿&翻譯嘅~想要住宿環境好小小，方便小小嘅話，價錢都會提高到HKD25000左右~ 想要一對一咁影婚紗相嘅豪華服務團咧就要成HKD30000啦~不過仲有種自己去韓國婚紗攝影協會度訂婚紗package嘅方式~呢種方式訂嘅話，價格都會便宜成HKD3000~4000.

日本
日韓風衝擊波~~點少的日本咧~~日本物價高，一般相館影個人相就唔系咁適合，當地婚紗相就仲加貴，一般系20萬日幣起跳(約16000HKD)。另外，系日本做相本超貴，所以去日本影婚紗相傾package果陣，記得刪除相本，拎照片底檔翻黎做相冊，會便宜好多。一般店可以用英文溝通，但系日本人英文都唔系好好，所以有陣時用英文都系會有雞同鴨講嘅情況出現，如果要系當地影嘅話都系要識一啲日文，如果唔系就要自己帶翻譯去啦！

海外影婚紗包套內容分析

睇完價錢同埋服務，跟住落黎重要嘅就系個婚紗包套嘅內容~價格透明嘅話，個包套內容都一樣要透明！！冇可能要我地唔清唔楚咁去影婚紗吧~~所以白鯨都會事先瞭解清楚到時先唔會有咩矛盾啊嘛~（白鯨你好叻！~~o(>_<)o ~~）


台灣
白鯨做咗咁多資料，發覺只有台灣呢邊嘅婚紗店系做到包套內容透明嘅咯~一般黎講台灣呢邊嘅婚紗包套內容大概都係婚紗相20~30組、婚紗相底檔、放大框、相簿、3~5套女士/男士禮服禮服&造型~
有啲婚紗店就會系禮服上面做文章，會分新款區，舊款區~新款區嘅婚紗價錢方面就肯定會比舊款嘅貴!仲會有啲婚紗店唔包造型師化妝或者搭配個服務~需要自己另外搵~而且如果系影整日嘅話，仲要問造型師會唔會全程跟拍~而比較高級豪華啲嘅婚紗店，仲會送埋一啲好有紀念價值嘅紀念品，好似謝卡，簽名綢等等~
一般台灣本地人影婚紗選嘅包套都系會包埋訂/結婚禮服&用品套組，所以去到台灣影婚紗果陣就要特別注意下，可以請服務人員扣除婚禮用品，或換or升級自己嘅攝影產品(照片張數、相本升級)等等~

大陸
大陸呢邊嘅包套內容同台灣果邊差唔多
內容一般都有婚紗相(40~50組)、婚紗相電子版、相本、放大相框、4~6套女士/男士禮服禮服~
不過就唔會好似台灣果邊咁會包埋婚禮果日嘅禮服或者用品~但系都有個別婚紗店會包含婚禮當天嘅禮服，質素方面就會有小小差咯~想要好睇又乾淨嘅禮服，得!加錢~~
而且大陸呢邊嘅隱性消費非常多~譬如想要全部嘅拍攝底檔需要加錢先得~想要專車接送都要另外加錢~而且啲造型師好少全程跟拍嘅~啲攝影師大部份都係一對二或者一對多個服務~令白鯨覺得去大陸影相嘅話，系搵錢買罪受~

韓國
一般去韓國影婚紗相都系貪可以影嘅婚紗相比較多~而且大部份嘅婚紗店都係會拍攝底檔全部贈送~同樣都有相簿、放大框、3~5套女士/男士禮服(女士白紗為主)

而且都係影室內景會多啲~想要影外景嘅話就會有限時間，通常都係1~2粒鐘~而且通常啲攝影師都系一對多服務~(白鯨唔中意咯>:<)
日本
婚紗相電子版、（1~2套）女士/男士禮服呢幾樣都係基本配備~

去日本影相package價錢高，好處系底檔大多可以全數拎返，但缺點系做相冊超級貴，影婚紗相洋服、和服通常都系各一套，要穿多幾件禮服嘅話就要另外加費用。

而且大部份都係一對一嘅拍攝服務~唔會好似韓國咁影室外只可以1~2粒鐘~影相時間係整日咁影落黎嘅~ 

海外影婚紗服務分析

白鯨揀婚紗最睇中嘅除佐價錢no.1之外，服務都一樣咁重要~因為影婚紗相嘅過程一定要開開心心~服務周到嘅話，想唔開心都難啦~

台灣

通常去到台灣影婚紗相，服務質素好啲嘅婚紗店系package入面都會講明包唔包外景車，或者專車接機等等呢方面嘅~有包專車接送就最好啦~唔洗自己坐車周圍去咁麻煩~\(^o^)/而且台灣啲婚紗相影得好系世界上面都出曬名，好多人都會慕名而來~所以人地系服務海外客戶呢方面經驗超豐富~ 
不過都有啲婚紗店系唔包呢一項嘅，需要自己出錢另外包車，包翻黎嘅車又唔知邊個做司機~去到海外影婚紗，白鯨一定唔會搵呢類型嘅婚紗店~  

住宿方面，白鯨就偏愛過啲離拍攝地點近嘅地方，咁樣可以慳啲時間坐車，將坐車等車嘅時間拎去遊玩景點你話幾好~大部份嘅婚紗店都唔包住宿~需要自己搵酒店黎住~人生地不熟，都唔知自己搵嘅酒店里影相嘅地方近唔近~而且萬一酒店裝修系自己中意嘅風格，想要攝影師幫自己影翻幾張，又因為無系咩合約酒店問題，唔可以影相嘅話，咁乜好可惜~~稍微而且台灣民宿系全世界都系出曬名，住系果度，享受遊玩嘅心情upupup！

溝通方面，白鯨都冇擔心~就算自己唔識得，攝影師、造型師都會幫手翻譯~就算口頭溝通唔到，都可以用手寫嘅方式^_^
台灣近幾年都好流行旅遊婚紗，系邊玩邊拍嘅方式，仲會提供攝影導遊服務添~~目前全台灣最頂級嘅旅遊婚紗就系旅人行館。

大陸

呢邊嘅婚紗店通常都系唔會包出景車(無論系接機定出景)嘅~需要自己另外洗錢租~ 景色靚嘅地方通常交通都唔多掂~為咗影到靚靚婚紗相，白鯨就覺得可以咬牙”租”啦!
住宿方面嘅話就一般般啦~好啲嘅婚紗店就會搵離拍攝景點近啲嘅酒店~遇到差嘅果啲~分分鐘會住到山長水遠嘅地方，系交通上面浪費嘅時間就會特別多~
而溝通方面同台灣都差唔多~遇到比較nice嘅攝影師就會好心幫手翻譯，就唔需要洗多一份翻譯小姐/先生嘅錢喇~ 

韓國

去到韓國影婚紗，一定一定要隨行翻譯先得！尤其宜家冇幾家婚紗公司系會專登為咗你去出個攝影團山長水遠黎到韓國~所以想要影到靚靚婚紗相，系你同攝影師溝通果陣，翻譯真系顯得超級重要~除咗最重要嘅語言問題~仲有個交通問題~~一定要搵過啲包專車接送嘅婚紗package先好落手吖！如果唔系，到時人生地不熟，就只能屈就拍內景婚紗啦~~仲有吖~搵個離拍攝地點近，住宿環境好嘅酒店都唔少的~最好就住婚紗店特約嘅酒店啦~雖然唔知好唔好，不過人地特約嘅話，應該都唔差把~

日本

去到日本影婚紗相，雖然唔會好似韓國咁，仲會有啲中文字系上面，可以大概估到啲意思~但系同攝影師溝通果真翻譯都必不可少嘅~如果系香港呢邊嘅攝影團隊出團就冇呢個顧慮啦~不過只能夠話百年難得一遇~而且白鯨自己都係中意一對一服務多啲~其實去日本影婚紗相嘅情況同韓國差唔多咯~不過白鯨都幾中意日本嘅民宿~可以試下唔住package入面嘅酒店，自己去搵啲好特別嘅酒店黎住都唔錯~(前提系對日本熟悉)

海外影婚紗優缺點分析

終於來到白鯨至終於嘅優缺點大分析喇~~自己分析清楚之後，先知道點樣去選擇~~所以，要先將自己搞清楚先好落手吖~

台灣

優點：
景色超靚~好似雪山景、櫻花雨，楓葉林，花海等等嘅景色系台灣都可以睇到~而且台灣啲人又熱情又好玩~仲有當地嘅人文文化都一樣好吸引~可以試下想像下喺影完婚紗相之後就可以開始同老公仔手拖手一起漫步系櫻花雨或者楓葉林入面~跟住仲可以去欣賞花海帶卑我地嘅視覺衝擊力~ ~(@^_^@)~

而且台灣果邊仲有原住民文化~各式各樣嘅美食小吃~仲有超靚景色~樣樣都好吸引白鯨同bf一起去玩啊~咁多樣正野~冇玩成一個星期半個月都唔叫玩過台灣~~怪唔知得會有咁多人慕名黎台灣影婚紗相~風景又靚，連攝影技術都系世界上面出曬名，咩風格都影得出~服務質素都超級好~ \(^o^)/~

缺點：
台灣太陽時時都咁大~而且溫度相對於我地呢邊又有小小高~仲有啊~山上面嘅晝夜溫差都好大~要做足準備先好出門！！

大陸

優點：
好似九寨溝，麗江等等呢啲地方都屬於偏遠地區~但系就因為夠偏遠，所以景色都特別靚！而且好似兩個地方嘅民族文化都幾吸引~周圍都可以見到穿住壯族文化嘅少男少女~去到果邊影婚紗，都可以來一番另類打扮嘅婚紗相~ 

缺點：
交通方面可能冇想像中咁理想~不過可以影到咁靚嘅婚紗相，都抵喇~不過白鯨整日都會睇到大陸呢邊嘅服務好似唔系好nice咯~整日都見到新人糾紛發生系呢邊~~

韓國

優點：
自從睇完韓國紅到宜家嘅綜藝節目《我們結婚了》，對韓國婚紗嘅熱愛就一發不可收拾~尤其出名嘅系韓國嘅室內婚紗拍攝~背景佈置得好精緻~影出黎嘅效果唔知點解總有一種講唔出嘅味道~
缺點：
語言唔通嘅問題雖然有翻譯響度，但系等你影完婚紗相之後，個翻譯都冇可能再繼續跟住你~當地環境你又唔熟悉~迷路加上語言不通~無助嘅感覺upupup~而且韓國呢邊景色好似出咗濟州島、南怡島比較出名之外，其餘都一般般~，如果你剩系要影韓風內景，咁不如去台灣影，台灣婚紗內景做得超好，攝影技術又有名。如果你就系鍾意韓風外景，咁白鯨都卑你祝福囉~:) 另外，韓國影婚紗以白紗禮服為主，而且禮服都會比較保守，很少擠奶嘅款式，唔似台灣，除咗白紗之外仲有好多晚禮服款式。

日本

優點：
京都嘅紅葉，北海道嘅雪景等等都吸引住白鯨產生去日本影婚紗相嘅念頭~日本嘅人文文化都系吸引白鯨嘅地方~而且係影完婚紗相咁緊張嘅時刻之後，就可以去周圍景點度遊玩放鬆~仲可以浸下正宗溫泉~正！
↖(^ω^)↗

缺點：
近排嘅“核輻射”新聞太過驚天動地~令人覺得心驚驚~~本身系開心去影婚紗相，都唔想帶著啲咩翻黎香港伽~而且宜家賞櫻賞楓人潮一年比一年多，想要好好咁影到櫻花楓葉婚紗相嘅話，非常有難度咯~

總結落來，感覺都系到台灣影婚紗相最好！影婚紗相技術一流，服務好，價格划算，溝通仲唔洗翻譯！就更加唔系講影婚紗景點真系多到數唔曬~~~！
不知不覺就講咗咁多~再睇翻轉頭~白鯨真系超級佩服自己吖~ \(^o^)/希望我嘅小小功課可以幫到大家喇~~拜拜~~~

(首圖照片解答：台灣清境，你猜對了嗎？)

推薦延伸閱讀▶▶▶▶▶▶

[精彩] 愛在老英格蘭♥令人臉紅心跳的台灣婚紗相

≡≡≡≡≡≡≡≡≡≡≡≡≡≡≡≡≡≡≡≡≡

奢華の台灣旅遊婚紗▶▶Lizen157 旅人行館

台灣頂級私藏秘境▶▶旅遊達人私房秘境

台灣至Hot婚紗景點分享▶▶masaLiLi