[旅遊] 攝影迷必睇★十個旅行攝影小技巧★

一年又咁過咗去啦~O(∩_∩)O~白鯨都系度多謝大家一直以來嘅陪伴同埋支持！可以開心過咗美好一年之外，都要感恩身邊嘅親朋好友~仲有唔好唔記得都要多謝一直都系度努力緊嘅自己！！適當咁獎勵自己，令自己嘅正能量bangbang升！！

好似白鯨就鍾意獎勵自己來一個小旅行~哇咔咔~當然，旅行都一定唔少得影相~咁點先可以令自己系旅行當中影到嘅相擺得出臺面咧~等我地一起去睇睇“旅行拍攝”小技巧啦~↖(^ω^)↗

（一）好好計劃你嘅行程

要順利拍出好嘅旅行相，一個好詳細嘅資料搜集同埋旅行計劃系必不可少嘅，因為你首先要知道邊度有好嘅拍攝題材，咩系合適嘅時間。而且有啲特別嘅活動就只系會系某啲日子舉行，如果冇一個好嘅計劃嘅話，好可能就會錯過精彩時刻嘅拍攝！

但系，旅行拍攝其中一個好得意嘅地方系佢“冒險”嘅成分，所以白鯨就建議大家不妨搵一啲時間拎著部相機四周圍望下，睇下~或者可以搵到一啲計劃之外嘅驚喜！o(≧v≦)o~~

（二）攜帶合適數量嘅影相器材

攝影器材對於旅行拍攝講真就真系非常令人頭痛，帶得少又驚唔夠用，帶得多重量都系一個問題，系參考咗咁多旅行拍攝方面嘅經驗、心得之後，白鯨就會咁樣安排，大家可以睇下系米適合你：

[必備]一部機身、備用電池、清潔用品

[必備]廣角同埋長焦鏡頭

[必備]旅行三腳架

[建議]魚眼鏡頭

[建議]大光圈定焦鏡頭

[建議]減光濾鏡、漸變灰濾鏡、偏光鏡

[非必要]外置閃光燈

通常都系一機3鏡、濾鏡同埋一支三腳架就可以出發，咁樣足夠應付大部分嘅影相需求啦！

（三）自駕遊令拍攝更輕鬆

假如系一啲需要作長途旅行嘅地方，譬如澳洲、美國同埋歐洲等，自駕遊可以令你嘅行程更加輕鬆——唔單止可以隨時出發、停留（特別系半夜影星空果陣），就仲加可以將備用嘅器材放系架車上面，減輕負擔。

（四）基本構圖技巧

對於初學者，呢度有一啲基本嘅拍攝技巧可以快速應用，對你嘅拍攝應該會有幫助嘅：

利用淺景深：淺景深就真系一個非常容易又好用嘅構圖方法，唔單止可以令主體更突出，都可以令一啲難以避開嘅背景變模糊，所以白鯨建議大家一定要學識呢招！要影出淺景深，你就可以將光圈放大、增長焦距同埋搵到一個離主體比較遠嘅背景，咁樣就算系普通嘅器材都可以影到好靚嘅淺景深效果。

框架構圖：如果你搵到一啲類似“相框”嘅野，都不妨多加利用！“框架”唔一定要實質嘅，一啲虛擬嘅線條，其至系樹木都得！（只要充分發揮你想像力就得！）

三角形構圖：三角形構圖可以令畫面變得穩重，好適合用來影小橋、建築物等

對比構圖：經常用得到嘅對比有大細對比、顏色對比、遠近對比等，就靠你嘅“攝影眼”去捕捉啦！

唔知你地有冇試過拍攝主體同影子嘅對比咧？

引導線嘅運用：搵出一條引導線，可以令讀者嘅眼球好自然咁被帶到相嘅主體。而引導線都可以成為“前景”，可以多加利用。

（五）尋找有趣嘅角度

好多同學會系到達一個景點果陣就即刻舉起部相機開始拍攝，其實通常第一眼見到嘅拍攝角度都唔系算最好嘅，我地可以先欣賞一下名勝景物，睇下佢地有咩特點，順便再唸下從邊一個角度去影，影出嘅相先有意義、有故事~

一般人遇到呢種時候就會影成咁，雖然可以記錄個樣，但系就太過普通。

（六）留意光線嘅方向

作為新手可能對光線比較陌生，最簡單嘅就系睇下究竟要影出黎嘅主體系“順光”、“側光”定系“逆光”？

“順光”可以影出明亮嘅景物，但系就會有小小沉悶；

“側光”令景物有陰影，表達出輪廓；

“逆光”可以拍出剪影，或系專登影出[過曝]嘅相。

系旅行果陣就未必可以系最好嘅時間同埋光線拍攝，呢個時候就要好好運用以上幾種光線嘅特點來構圖！如果可以，多啲走動下去改變一下角度都系好嘅idea。

就算系逆光嘅相，利用軟件都可以將暗部拉出來。

（七）加上前景

為照片加上一個前景可以令你嘅構圖更豐富，但系一定要多加留意；而小心咁選擇背景都可以令你嘅主體更加突出，都可以更好咁表達當時嘅環境同埋感覺！

對焦系前景嘅花叢上，利用背景嘅風車作襯托，淺景深令背景模糊，突出前景嘅主體。

（八）好好利用慢快門

如果你有帶上三腳架，可以試下將流水、海邊、路人等利用慢快門影出充滿動感嘅相！

（九）拍攝星空

住系大都市光害嚴重，好難影出漂亮嘅星空相，系一啲偏遠嘅地方或者系光害少嘅地方，譬如澳洲、新西蘭等，不妨多影一啲星空相！基本嘅拍攝設定為光圈大、曝光唔好超過25秒（如果唔系就會變成星軌），ISO可以系800、1600等。為星空相加上一個前景很重要，可以令到張相更加有吸引力！

（十）利用後期加強效果

用Photoshop或其他後期軟件做一啲適當嘅修飾，可以令相更有吸引力，基本嘅修改為調較陰影/高光（Shadow/Highlight）、對比度（Contrast）同埋飽和度（Saturation），有需要嘅話，都可以利用剪裁工具（Crop tool）作第二次構圖。仲有一個小技巧：對於一啲曝光失敗嘅相，可以試試把佢地變為黑白照，往往會有驚喜，可以試下！

唔知白鯨分享嘅呢幾點影相小技巧有冇幫到大家咧~

真可謂系旅行必備良品，快啲分享出去恩澤卑更多人啦~

推薦延伸閱讀▶▶▶

[實用] 台北住宿熱點の平價奢華商務旅店超勁推薦

≡≡≡≡≡≡≡≡≡≡≡≡≡≡≡≡≡≡≡≡≡

奢華の台灣旅遊婚紗▶▶Lizen157 旅人行館

台灣頂級私藏秘境▶▶旅遊達人私房秘境

玩轉台灣~婚紗景點大推薦▶▶masaLiLi