[婚紗] 海外婚紗攝影の「★完美籌備指南★」

唔知白鯨上次分享嘅【★海外影婚紗★台灣、日本、韓國、大陸影婚紗相大分析！！】
對大家系揀去邊影到靚靚婚紗相有冇一啲啲幫助@@
今日白鯨就分享下自己關於去海外影婚紗相之前會做嘅一啲準備啦~↖(^ω^)↗

海外婚紗攝影▶▶準備工作
講到去海外影婚紗，首先最緊要就係確定自己系選擇邊種方式影~
好似有香港本地攝影師出國影，同埋去到海外先再搵當地嘅攝影公司影~
如果系香港本地攝影師出國影嘅話，費用方面就可能會貴啲~相對比較便宜嘅都有，即系所謂“團購”~就要將自己嘅行程時間調到同人地出trip果日咯~可以提早就最好啦~唔好彩遇上比自己原先定嘅影婚紗相時間推遲嘅話，白鯨就覺得唔多好咯~-_-!
假如系想去到海外再搵攝影公司影嘅話，白鯨覺得唔錯~不過都係要睇地方~好似日本、韓國呢啲地方會有啲語言上面嘅問題，加上想系網上搵評價嘅話，又睇唔明人地啲字~就會比較難知道間婚紗店嘅網評~咁就等於系“盲人摸象”啦~~
仲有啊，系落定之前一定要問清楚嘅系婚紗package入面嘅內容~
譬如話會包幾套禮服啦，需唔需要自己攜帶禮服啦~
仲有MUA！！有冇MUA幫手set造型？出唔出外景，出嘅話需唔需要另外加收費用，費用系幾多~
有冇外景車，需唔需要自己另外租定系有包埋~
一共可以影幾日？定系幾粒鐘？攝影師出景影需唔需要另外增加費用？
考慮完以上問題，都差唔多可以落訂跟住就開始準備啦！！O(∩_∩)O~

前期準備

確認拍攝行程&計劃

近呢幾年海外婚攝最多人去嘅地點，白鯨就做咗下功課~目前為止咧，最熱門嘅海外婚紗攝影地點有，日本啦，韓國啦，仲有台灣&大陸~（詳情可見【★海外影婚紗★台灣、日本、韓國、大陸影婚紗相大分析！！】）

揀到自己心水嘅景點之後~白鯨就建議，為咗避免出錯~可以再三同婚紗公司嘅人確認自己嘅整個行程~跟住再開始plan屬於自己嘅甜蜜婚紗之旅~影完婚紗可以去邊度玩，邊度有特色美食~夜晚仲可以去邊happy等等~

plan行程果陣就冇必要將自己嘅行程plan得太緊~因為本身去海外影婚紗相就係一個好放鬆嘅旅程，排的太緊反而會覺得自己系完成一個任務~心情都冇咁靚~就會好容易影相影相果陣嘅好心態！

Ps：記得系揀好心水拍攝地點之后，落訂之前， 要準備好自己個簽證，機票提前訂嘅話，仲會有優惠添~~ (^o^)/~

拍攝前準備

季節

啱啱落完單之後千奇米只系掛住去訂機票~先查一下要影相果陣系屬於咩季節~白鯨之前都有見過好多sis話想要影藍藍，白白沙灘~點知一睇到機票好便宜~唸都唔唸就即刻落定~誰不知後面同婚紗公司溝通果陣先知，原來佢地影相果陣啱好進入冬天，而且仲系雨季（上天一定系度開緊玩笑XDD~）想要影到大大太陽簡直就比登天難~

所以，每個景點系唔同季節都會有唔一樣嘅面貌~假如sis們揀咗一個四季分明嘅國家影婚紗相，白鯨就建議要特別特別留意呢一點先好！！\(^o^)/~

氣溫

除咗要注意季節問題之外，氣溫都要順便注意埋添~想要系冬天裡面，冒著感冒嘅危險都要影出輯靚靚婚紗相！仲有~大家都知道夏日嘅天空系最靚嘅~但系要頂住個大太陽去影婚紗相~效果堪比“煉獄”都唔誇張！

所以，如果提前可以知道氣溫點嘅話，就可以做好準備去應急以上情況~冬天影果陣就可以準備暖寶貼，貼系肚上等任何一個凍嘅位置~仲有一啲暖水壺，熱水袋等等來保暖~風度溫度就具備曬！！

夏天就可以搽防曬，撐傘同埋攜帶水瓶來幫自己降溫而防中暑~

拍攝景點

雖然話婚紗公司都會卑專業意見卑到各位sis去揀~唔一定要有固定模式，除咗山啊，海邊呢啲之外，都可以有一啲紀念性嘅地方~譬如第一次識得嘅地方，第一次約會嘅地方等等~甘樣影起身特別有親切感~而且好自然~

道具

有啲sis會覺得有道具望落去回好“假”！但系其實唔系伽~有啲人系比較唔擅長擺pose嘅~（好似白鯨BF咁~~）呢個時候道具系手，除咗會轉移注意力，尤其系果啲有紀念價值嘅小道具，（情書，紀念禮物等等）令到影相嘅人唔會咁緊張之外，擺出嘅pose都好自然！！

海外婚紗攝影▶▶注意事項

1.當地習俗。去之前可以留意一下影相嘅地點有啲咩習俗系唔可以做嘅~好似日本，有紫色嘅物品都被人睇成系不詳之物，所以系揀禮服方面可以避免揀呢個顏色~

2.去外地拍攝可能會遇到一啲不可預計嘅情況，如拍攝器材失靈、天氣轉壞甚至遇上天災等，白鯨就建議大家事前可以向婚紗公司了解清楚，如果系當地發生問題或唔可以進行拍攝嘅善後安排，同埋可以睇下份合同或單據上有冇講清楚列明有關條款同埋安排。

3.既然系出國嘅話，白鯨都係建議大家可以買份，旅遊保險，買個安心。開開心心出門影婚紗相！！

4.去到國外，就一定系影外景多啦~呢個時候就要注意下防曬工作啦~

新娘皮膚好重要嘅嘛~最好就1~2個鐘頭補搽一次~費事被太陽曬到紅噹噹~影響心情啦~~

5.前面都會有不測之風雲啦~咁就要便裝多帶幾套，咁樣選擇餘地大，遇到壞天氣都會有乾衣服穿。

6.除咗上面講到嘅之外，白鯨仲要提醒sis們一定要系啟程之前嘅幾個禮拜照顧好自己嘅body~一心唸住減肥嘅sis都要休息一下~千奇米系上飛機之前就病咗~咁樣嘅話就好唔抵啦！！

Ps：最後白鯨仲要同各位sis講一個小秘密~就係影相嘅時間儘量可以系自己嘅M期之後~甘樣就可以避免自己水腫，頭痛等呢啲“M期群候症”影響到~~而且M期之後果段時間女仔嘅皮膚系最靚嘅~心情都系超正！

到時影起嘅婚紗相唔洗打光都識發光吖~~

呼呼~一口氣講埋咁多~唔知有冇幫到大家小小咧？？

希望白鯨嘅分享可以減輕各位sis嘅煩惱，可以開開心心影輯靚靚婚紗相！！

推薦延伸閱讀▶▶▶

[精彩] 愛在老英格蘭♥令人臉紅心跳的台灣婚紗相

≡≡≡≡≡≡≡≡≡≡≡≡≡≡≡≡≡≡≡≡≡

奢華の台灣旅遊婚紗▶▶Lizen157 旅人行館

台灣頂級私藏秘境▶▶旅遊達人私房秘境

台灣至Hot婚紗景點分享▶▶masaLiLi