[婚禮] 結婚大作戰之婚禮籌備小百科~

又一年啦~恭喜發財！白鯨祝大家新嘅一年事事順利，lucky lucky！！好多人趁系年前結婚喔~單系年前，白鯨就飲左幾次喜酒啦~祝福新人啊！(｡◕∀◕｡)
結婚咧，真系終身大事嚟嘎，想做到好好睇睇，事先真系要籌備計劃唔少~今次白鯨要同大家分享嘅系，婚禮籌備小百科！如有不足，歡迎補充喔~

小百科1.結婚典禮：婚禮當中，流程順序同人員分配系好重要嘎！真系吃粥吃米就先要搞好呢樣啦~場地上，要注意接待人員安排、場地佈置（花啊，氣球啊~）、入場音樂試聽，坐席安排、桌卡、簽字筆、簽名薄，收禮箱等等啦~

系交通方面都要注意，如果人數多嘅話，要唔要安排車咧，攝影團隊同埋花車安排，喜帖幾時發，系婚禮前最好就彩排下，行下位，熟悉下，系婚禮上就自然更加自信爆棚啦~~

小百科2.婚鞋揀選：無論你嘅婚紗拖尾再長~婚鞋都會偶然被睇到嘎~買咩婚鞋就要睇你襯咩婚紗啦~如果婚紗款式系比較簡單嘅，咁婚鞋就可以買D複雜小小個，例如有蝴蝶結嘅、蕾絲水晶等等啦~不過如果婚紗本身就好有亮點，咁就等婚鞋做配角啦~揀D經典嘅，白色、米白、香檳色、金色銀色都系唔錯嘅選擇呀！

溫馨提示，好多鞋第一次著都會夾腳嘎，big day個日又要企咁耐，建議買翻嚟先著幾日，但系如果本身根本就著唔到高跟鞋或者本身就好高，著可愛嘅平底鞋都無妨嘅~但系記住要挺直腰哇~
顏色方面，白鯨都系比較青睞紅色嘅，一嚟系傳統，二嚟覺得性感，著條前短後長嘅，真系幾搶眼嘎~

小百科3.伴郎伴娘：伴郎伴娘一定要度下邊個系最適合嘅啦，白鯨知道有好多人會搵自己嘅親戚，咁啱有合適年齡嘅親戚，嗯，就會叫佢，白鯨屋企就系啦，伴娘註定就系表妹啦，長輩晨早講好，白鯨都冇得出聲啊~好彩表妹都系個值得信任嘅人~

但如果長輩揀嘅系個粗心大意嘅，咁你就要小心啦，因為婚禮上伴郎伴娘必須要好細心留意你嘅服裝造型，全程陪系身邊，假如講講下，佢都唔知飛左去邊，就真系激鬼氣啦！
PS，有人會覺得有個伴郎伴娘團好型又潮又好玩，但系其實越多會越混亂，人數方面都系自己考慮清楚先啦~

小百科4.結婚相：big day當日，結婚相真系會顯得非常重要，迎賓門口啦，有D會掛係牆上啦，放帶啦~都系供人地欣賞嘅~所以自自然然要影得靚D！加上影結婚相系所有女仔嘅夢，著到靚一靚好似做model咁，系揀選婚紗店嘅時候就要多多注意啦~

package包咩、加價嘅地方、禮服包幾套、基本組數、外景同棚內拍攝比例~
最緊要系婚紗相嘅風格你中唔中意，睇sample要睇客戶嘅，先有可比性啊~

小百科5.婚禮籌備誤區：雖然結婚大曬，實行開心就得！但系都有唔少注意嘅地方嘎，白鯨嚟提提你啦~
婚禮訴求唔具體可行雖然婚禮就系一場dream show，但系千奇唔好太過夢幻到不切實際啦~比如咩流星雨出場方式好強人所難窩~提示訴求嘅時候要細心考慮下，如果唔系，冇必要又難度大嘅要求唔止會增加budget，仲畫蛇添足添~

唔顧賓客感受賓客感受系好重要嘎！對婚禮美滿同口碑都會造成影響~例如你嘅婚禮如果系露天舉行，就要注意防曬或者提醒賓客保暖，以免中暑或者系凍親啦~

唔尊重工作人員唔好覺得你出錢，人地就要滿足曬你所有有理無理嘅要求啊~出錢享受服務系啱嘅，但系唔好太苛刻太霸道喔~如果遇到脾氣大嘅人，等陣佢系婚禮上面搞士棍點算啊~記得保持寬容啦~

呢D功課對大家有用嘅話就按個讚鼓勵下白鯨啦~\(≧▽≦)/~
最後，祝大家婚禮完滿！！

推薦延伸閱讀▶▶▶

[必看] 婚禮前要搞掂嘅事：搵啱妳嘅MUA新娘造型師

≡≡≡≡≡≡≡≡≡≡≡≡≡≡≡≡≡≡≡≡≡

奢華の台灣旅遊婚紗▶▶Lizen157 旅人行館

台灣頂級私藏秘境▶▶旅遊達人私房秘境

JM激推台灣婚紗店▶▶masaLiLi