[婚紗] ☞ 咩系旅遊婚紗？【旅遊婚紗優缺點】大解析！

臨近中秋~白鯨應該會同bf系天臺度賞月吃月餅，享受甜蜜嘅二人世界！唔知各位有咩安排咧？
白鯨首先系度預祝大家中秋節快樂~ ~(@^_^@)~嘻嘻~~話說近排有位可愛嘅sis留言卑白鯨，問白鯨咩系旅遊婚紗~~同普通影婚紗相有咩區別~~而且白鯨發覺宜家越來越多婚紗店都有新增加“旅遊婚紗”呢項服務~~今日白鯨就黎為大家解開呢個迷思！！\(^o^)/


（1）咩系旅遊婚紗？旅遊婚紗嘅概念
白鯨覺得旅遊婚紗，即系將蜜月旅行&婚紗攝影結合埋一齊，以旅遊路線上嘅婚紗攝影黎記錄低相愛嘅兩個人過程中嘅點點滴滴~（好romantic嘅含義XDD~）影相期間亦都因為心情舒暢，愉快開心，而唔會擔心冇影相感覺，濃濃嘅愛意會令新人系相入面自然流露，再加上大自然對於場景嘅恩賜，婚紗相有幾靚就可想而知~~
而宜家系市面上嘅旅遊婚紗都系一站式嘅服務，即系除佐會提供詳細嘅婚紗攝影方案之外，仲會另外有一份旅遊方案~令到黎影婚紗相嘅新人享受到一set嘅服務。專業嘅攝影師仲會擔當導遊嘅身份，帶新人去游玩嘅同時，影低屬於兩個人之間珍貴嘅點點滴滴，親身享受到一個難忘嘅婚紗攝影旅遊行程！！（白鯨覺得好吸引~~（¯﹃¯）

（2）旅遊婚紗—優缺點大蒐集
一般大家認識到旅遊婚紗嘅之後，會覺得好特別，想即刻飛去試下~~但系凡事都有兩面，白鯨就做曬功課，幫大家蒐集咗關於旅遊婚紗嘅優缺點。
優點：
①一邊旅遊，一邊影婚紗相，相對於傳統嘅婚紗攝影，比較特別~令人更加嚮往~② 好玩。可以系影婚紗相果陣，再遊覽周邊特色景點，令到影相過程唔會太枯燥~同時可以製造屬於兩個人嘅美好回憶~③ 自然。旅遊婚紗影出黎嘅婚紗相因為系系旅遊過程中嘅拍攝，所以會更自然、放鬆，比起傳統婚紗影出黎嘅效果多咗份自然，甜蜜嘅feel！
缺點：
① 價錢小貴。相對於傳統嘅婚紗攝影會貴~~② 需要時間。因為系旅遊婚紗，比起一般傳統婚紗攝影只需一日黎影婚紗相黎講，旅遊婚紗需要兩日以上嘅時間。


（3）各個國家嘅旅遊婚紗情況
講完旅遊婚紗嘅優缺點，唔知大家系旅遊婚紗果陣會揀邊個地方咧？比較熱門嘅有日本、台灣、韓國同埋內地呢幾個地方吧~\(^o^)/咁就以呢幾個地方講解喇~

1、日本
去日本影婚紗相，基本上都系貪日本嘅景色比較靚~同埋可以順便去買日本玩~一舉兩得！好似北海道嘅雪景，11月京都嘅紅葉，3月大阪嘅櫻花等等呢啲特色景點比較熱門~通常都系通過agent黎訂購婚紗package，雖然話會有語言不通嘅情況，但系日文入面都有中文字，溝通方面應該都唔算系一個大問題~問題系日本嘅單價都比較高，尤其系賞楓同埋賞櫻期間嘅機票、飯店又貴又難訂~（白鯨覺得想要系日本影到張靚靚婚紗嘅成本仍真高！！-_-!）

圖片來自google搜尋

2、台灣
台灣嘅話，好似系2月份，清境山上都會有雪山欣賞~而且啲櫻花都會開曬添~遠遠望去就好似櫻花山一樣~系清境農場仲會有得意嘅綿羊show，可以親密同羊咩咩接觸~~！另外，清境非常多台灣嘅”民宿”，都系歐洲城堡風格，十分特別！講到櫻花，阿里山上嘅櫻花都值得一睹風采~尤其系坐系火車度，出面落緊櫻花雨~浪漫感覺無所遁形~最啱兩個人度過甜蜜嘅時刻~冇咁多budget去歐洲、日本影嘅sis~台灣都系唔錯嘅選擇，白鯨覺得台灣嘅景色系唔輸呢幾個地方~

圖片來自google搜尋

參考資料：
愛在老英格蘭♥令人臉紅心跳的台灣婚紗相
超愛清境幸福之旅❀台灣影婚紗記錄


3.韓國
近幾年韓國風真系大熱！！上至髮型、妝容、服裝搭配，下至屋企裝修佈置都好興韓國風~~大部份嘅人甚至將韓國當成系潮流嘅指標~~其中就系對韓劇入面嘅美景趨之若鶩~~越黎越多嘅新人都想去韓國影婚紗相~~不過去韓國影婚紗相跟情況同日本差唔多，都系櫻花，楓葉呢類嘅景色，都一樣會有語言不通嘅問題出現~尤其系系韓國冇中文，韓文又極之難睇明！白鯨強烈建議要搵有翻譯嘅婚紗公司去落訂會保障小小~
 

圖片來自google搜尋 

4.內地
作為copy大軍嘅內地，見到旅遊婚紗咁流行，都唔放過呢個好機會~紛紛都有推出到各個熱門旅遊景點嘅旅遊婚紗套餐~好似雲南麗江嘅雪花、古鎮、花海，九寨溝嘅五花海、深圳嘅玫瑰海岸、東部華僑城等等都系熱門嘅婚紗景點~熱愛中國風嘅sis都可以考慮伽~而且係溝通上面應該都唔會有咩問題~不過聽聞近排內地婚紗店卑人爆料~白鯨覺得sis們系揀內地婚紗店果陣要小心小心再小心~ 

圖片來自google搜尋 

推薦參考資料：
婚紗攝影邊間好？揀婚紗攝影公司必問問題！
婚紗Package陷阱多？！挑選package注意事項大整理！


推薦咗咁多個國家嘅旅遊婚紗，白鯨自己個人都系覺得台灣嘅旅遊婚紗比較吸引我~一來果邊嘅景色真系非常唔錯，除佐擁有各個國家嘅特色之外，都不失台灣本土嘅人文風情~系旅遊婚紗呢方面都做得比較專業~而且服務態度都系出咗名嘅掂~~好似旅人行館、瑪莎lili都系台灣喺非常有名嘅婚紗店，其中旅人行館唔單止系台灣知名嘅旅遊婚紗品牌，系服務方面都系深得白鯨嘅歡心~~擁有snap相呢項服務已經夠貼心，全程仲專人專車接送，去到嘅景點景色靚又好玩~仲可以吃到一般跟團吃唔到嘅當地風味特色餐~白鯨嘅憧憬之情爆曬棚吖~~ o(>﹏<)o


而瑪莎lili就系台灣系最有名，口碑最好嘅婚紗品牌~同樣都有推出旅遊婚紗嘅服務，影嘅婚紗相超級無敵靚！爆！鏡！追求婚紗相效果嘅sis可以參考下呢間~呼呼~~一口氣講曬咁多野，白鯨都幾佩服自己居然有耐性碼曬咁多字~~希望呢啲信息可以卑各位jm做個參考~（閃人~~）



推薦延伸閱讀▶▶▶▶▶▶

[精彩]  超愛清境幸福之旅❀台灣影婚紗記錄

≡≡≡≡≡≡≡≡≡≡≡≡≡≡≡≡≡≡≡≡≡

奢華の台灣旅遊婚紗▶▶Lizen157 旅人行館

台灣頂級私藏秘境▶▶旅遊達人私房秘境

台灣至Hot婚紗景點分享▶▶masaLiLi