[旅遊] 台灣旅遊指南~ 跟住白鯨吃喝玩樂！！！

台灣，好似倚系太平洋上嘅美人魚，從唔同嘅角度睇，有唔同嘅美感~等我地細細品味，用唔同嘅方式，認識台灣啦！！！(｡◕∀◕｡)

依家，白鯨台灣旅遊指南~Action！！Let’s go！！
台灣旅遊指南之台灣景點——台北都會之旅：去到台北，唔好話自己冇去過101大樓呀~系101大樓將台北盡收眼底，感受咻一聲就飛到頂樓嘅電梯，好享受嘎~另外故宮博物院、國父紀念館、北投溫泉博物館、士林官邸、總統府、陽明山國家公園、淡水老街，台北孔廟，時間足夠嘅話，都一定要去行下睇下喔！！

（↑北投溫泉博物館）

墾丁熱帶風情之旅：距離恆春約4公里的南灣，曾經以「金沙白浪」列為恆春八景之一，依家已成為墾丁水上新潮活動的大本營。系白沙灣游水，弄潮…幾開心呀！仲有去出火、鵝鑾鼻公園、盤龍大草原，龍坑生態保護區，親身體驗熱帶風情~~【旅人行館】嘅墾丁行程幾乎將呢D景點都安排好曬啦~!!南灣海灘戲水、龍磐草原、墾丁大街、鵝鑾鼻燈塔…有名景點都安排啦!!系碧海藍天，青青草原白色巨塔取景影婚紗相，真系正爆呀！

（↑鵝鑾鼻燈塔）

台灣山岳之旅：講到台灣山岳，不得不講合歡山、阿里山啦~合歡山秀麗挺拔、春夏賞花避暑，秋冬踏青玩雪，時時刻刻都系良辰美景呀~而阿里山系東南亞最高峰玉山嘅支脈，有世界上僅存三條高山鐵路之一嘅阿里山森林鐵路~坐住鐵路一路欣賞阿里山美景，乜都唔使唸，最好嚟個豔遇~似唔似偶像劇劇情？哈哈:P

（↑阿里山森林鐵路）

“霧上桃源”清境之旅：透過白鯨同大家介紹嘅旅人行館清境行程，就知清境系幾咁靚啦！！各式各樣歐式民宿就令人流連忘返啦，似系音樂城堡啦，普羅旺斯玫瑰園等等，系清境滑草，大字型訓系草地度，同可愛嘅羊咩咩一齊呼吸新鮮嘅空氣，幾happy~

日月潭之旅：日月潭景色優美~“雙潭秋月”為台灣八景之一，越嚟越多人選擇去日月潭影婚紗相嘎~系呢條橋度，不知造就左幾多對神仙眷侶嘅靚靚婚紗相呀！

環潭風光仲有九龍口、孔雀園、玄奘寺、猫囒山茶业改良场、拉魯島等等~

懷舊九份小城之旅：九份位於新北市瑞芳區，系昔日台灣嘅採金礦中心，環山面海，擁有變化多端嘅山海美景，保有著純樸嘅舊日生活風貌，九份，系忙碌嘅都市人一處可以放鬆心靈嘅地方~白鯨特別中意旅人九份行程中嘅侯硐鎮，系非常之多貓咪嘅地方喔！白鯨這系好想走一轉呀ヽ(｡✪‿✪｡) ﾉ

台灣旅遊指南之美食店家——淡水阿婆鐵蛋：

阿婆鐵蛋系用龜甲萬醬油、冰糖、以及特製中藥五香滷包製作；然後經過三個小時漫長嘅滷製過程後，再慢慢風乾；而且要每日重複呢個程序製作，持續一個禮拜之後先算完成鐵蛋嘅製作嘎~咁精緻講究嘅阿婆鐵蛋，你點可以錯過呀？？

九份阿柑婆芋圓：

超人氣嘅九份芋圓冰系以芋圓搭配嫩仙草、綠豆、珍珠、三色蒟蒻、刨冰，並淋上香濃純正嘅黑糖漿，配料豐富實在、色彩繽紛活潑，清涼一夏嘅好選擇呀！！！

台中大東屋鰻魚飯：

台灣嘅日本料理都系好出名嘎~其中白鯨最中意大東屋嘅鰻魚飯啦！肥美嘅鰻魚鋪系飯盒度，見到都口水流曬啦！！醬汁撈飯送入口，淡淡都好好嚼頭！！

宜蘭三星蔥餅：

宜蘭嘅三星蔥系非常之出名嘎！除左滿滿嘅三星蔥之外，蔥油餅一邊系蛋，另一邊煎到“隆隆地”，配上醬汁…嘩啦~好爽呀~！！

台中東海雞腳凍：

雞腳凍“凍”感十足~雖然位於唔起眼位置，但芳香美味傳百里，好多人都慕名而來嘎！！肉質多而且膠質豐富，真系好香呀！！！

（¯﹃¯）白鯨剩系睇都流曬口水啦~睇下睇下好肚餓添，唔得，白鯨要去搵D野醫下肚先~下次見啦baby~\(≧▽≦)/~啦啦啦

推薦延伸閱讀▶▶▶

[實用] 台北住宿熱點の平價奢華商務旅店超勁推薦

≡≡≡≡≡≡≡≡≡≡≡≡≡≡≡≡≡≡≡≡≡

奢華の台灣旅遊婚紗▶▶Lizen157 旅人行館

台灣頂級私藏秘境▶▶旅遊達人私房秘境

玩轉台灣~婚紗景點大推薦▶▶masaLiLi