就中意旅遊拍照~✿旅人行館粉絲’s blog: [旅遊] 台灣民宿大推薦！！快D執包袱出發啦~~

上次白鯨同大家分享左台灣旅行嘅注意事項，唔知對大家有冇幫助咧o(≧v≦)o~~台灣唔止風景優美人民熱情，小食好好味~另外台灣民宿都系一大特點啊~每間台灣民宿都有自己嘅主題同故事~今日，就等白鯨嚟為大家介紹下啦！(｡◕∀◕｡)

❀台灣北部大家嚟到北部咧，系唔使煩惱景點安排嘎，國立故宮博物院、101、國父紀念館、士林觀光夜市、行天宮等等，多到你行唔曬呀~講起北部，大家仲記得白鯨為大家介紹嘅古色古香嘅小城九份嗎？系咁精彩嘅九份度假，咁系唔捨得走咧？不如搵間靚靚民宿住多幾日啦！

北部的台灣民宿之一：緩慢民宿
緩慢民宿系旅人行館九份行程首選民宿喔~大家都知道旅人行館挑選住宿嘅眼光都系好好嘅啦~我地嚟睇下啦~

白鯨好中意緩慢呢個詞~近年台灣好興“慢活”，意思就系慢慢享受生活，系【緩慢】呢度，你可以盡情體驗一下喔~拋開瑣事，去呼吸最新鮮嘅空氣啦！
▶▶緩慢民宿網站

北部的台灣民宿之二：一直是晴天好可愛嘅名呀~【一直是晴天】外表可能冇其他民宿咁搶眼，但系絕對系好有內涵喔~佈置得充滿美式鄉村風~裏面仲有別具心裁為生活加分嘅日式小雜貨，烘焙日式鬆餅、咖啡~享受呀~

▶▶一直是晴天網址

北部的台灣民宿之三：我們的家藏身系綠林間嘅【我們的家】~驟眼望過去就有一種興奮嘅感覺呀~簡直就系白鯨心中嘅家！好溫暖喔！

國有國法，家有家規，嚟到【我們的家】就要守家規喔~呢度設計規劃嘅理念包涵私人珍藏同裝置藝術，所以系唔適合接待十歲以下嘅細路仔同私人寵物嘎~
▶▶我們的家網址

❀台灣中部中部嘅景點都系非常之多呀，似系后里馬場、福壽山農場、谷關溫泉等等，而聞名中外嘅大甲鎮瀾宮於每年農曆三月初一由各地信徒組成浩大的進香團，追隨大甲鎮瀾宮嘅媽祖到嘉義新港奉天宮遶境進香，進行8天7夜嘅徒步參拜這就是著名的大甲媽祖遶境，民眾可前往大甲鎮瀾宮體驗一下那種虔誠與熱鬧嘅場面喔！

仲有中部嘅清境被稱之為霧上桃源呀~近年超多人去！！咁靚嘅景點，你點可以錯過啊~呢度簡直就系民宿嘅天堂！各種歐式民宿多到你數唔曬！！

中部的台灣民宿之一：音樂城堡講到清境，點可以唔提有名嘅音樂城堡咧~呢個絕對大推呀！睇旅人行館嘅婚紗相就知啦~住系裏面，猶如童話般！！真系好嚮往！！唔怪之得個個住完嘅人都讚不絕口啦！！

為左打造呢個奢華古堡，城堡兩位主人遊走歐洲各國先搵到咁頂級嘅家私喔！聽講呢度仲有最頂級嘅音樂設備同3000，系3000幾張世界經典音樂CD！！！OH NO！！
▶▶音樂城堡網址

中部的台灣民宿之二：日初雲來度假莊園日初雲來度假莊園非常有阿爾卑斯山系莊園風喔！！系藍天、高山同碧湖嘅襯托下，有一種悠然清靜之感~ヽ(｡✪‿✪｡) ﾉ

▶▶日初雲來度假山莊網址

中部的台灣民宿之三：黃慶果園民宿【黃慶果園民宿】好有美式house嘅fu喔！！多年前一對夫妻聽講高山上嘅蔬果生得好靚，價錢又好過平地上嘅，於是移居山上，結果未能盡如人意，呢對夫妻經唔起顧客朋友嘅遊說，於是乎開左間民宿，但系又唔捨得果園，因此，極具特色嘅果園民宿應運而生~

非常乾淨~系度望出去果園，剩系想輕輕咁叫一聲“哇”~~
▶▶黃慶果園民宿網址

❀台灣南部南部最不得不提嘅就當然系國境之南墾丁啦！！！到左南部，點可以唔去玩下呀~仲有高雄愛河、痞子英雄場景，而且一定要食下擔仔面同滷肉飯喔！！

南部的台灣民宿之一：小徑民宿【小徑民宿】系南國巷靚麗嘅一道風景，極具地中海風味，白色與藍色的交織最令人舒適忍唔住要留多幾日~小徑民宿系墾丁民宿，因為拍攝偶像劇而一舉爆紅（王子變青蛙），小徑民宿仲系知名藝人（吳尊）寫真書嘅場景，都系好多結婚新人拍攝婚紗嘅夢幻園地！！